【杏源珈琲 × 府城百年木屐行】🎋『府城師傅來𤆬路』— 台語限定走讀 ~10/24上尾場~
👣【杏源珈琲 × 府城百年木屐行】
🎋《府城師傅來𤆬路》—
台語友善限定走讀
恁欲愛的歇熱導覽來矣！這擺是限量團，而且有夠涼——全程大約九成的路線攏會佇店亭仔（亭仔跤），毋免一直曝日頭！
✨ #一人一雙客製化百年木屐紮轉去
這毋是一場普通的導覽，這是一逝行入去巷仔內、行轉來記持內底的旅程；嘛是一段對友愛街出發，行入百年木屐世家的性命故事。
👣 這擺欲陪你行的人，是「友愛街的查某囝」──百齡阿姊。
伊佇友愛街巷仔內出世、大漢，少年的時是青果店西施，後來嫁入去府城百年木屐店，對一个毋捌賣鞋的人，變做熟似逐雙跤型、逐位老主顧的第三代職人。
伊的故事有家庭、有堅持、有人情味，嘛有真濟毋捌講出喙的情份。百齡阿姊講：
「行這條路，就是阮的人生路。」
🏮 這擺，阮欲對大菜市（西市場）出發，一路行過伊上熟似的生活場景：
👣 嫁妝是佇佗位配的？
👣 巷仔口彼擔青草茶是按怎遐好啉？
👣 巷仔內到底藏啥物老臺南人的情感密碼？
👣 是按怎彼間嫁妝店，到今猶原有人指定愛去？
街仔頭的秘密、巷仔內的故事、彼个年代的人情味，攏會佇一步一步的行踏內底，慢慢仔講予你聽。
這毋是咧聽古，這是咧聽生活；
毋是咧看舊相片，是親身行佇記持內底。
🗣️ 本場次超過八成內容會用台語來講，欲予逐家用臺灣話來感受府城的溫度。
有影，語言毋但是工具，是情感的記持，是土地的聲音。
這擺，阮欲用台語做主要的語言，予一句一句的臺灣話，𤆬大家行入府城人的日常，聽見師傅的人生故事，感受府城才有的人情味。
🎧 全程會掛博物館等級子母導覽機，免驚聽無清楚，逐句故事攏袂漏勾去。
━━━━━━━━━━
📅 活動時間｜115年8月8日、9月12日、10月 24日 (六)15:00－17:30
📍 集合地點｜西市場入口（西門路）
📍 解散地點｜府城百年木屐老店
🎟️ 費用｜專案補助價每人 1,200元（原價 1,500 元）
費用包含：
✔ 博物館級子母導覽機
✔ 客製化手作木屐一雙(價值590元)
✔ 在地特色飲品
✔保險
✔西市場人氣虎咬豬一份
✔ 杏源徽章
✔ 神秘小禮物一份
🔸 每場次限量15名，額滿為止。
📌 導覽機若有損毀或遺失，需依原價1,000元賠償。
🌸 有人講，臺南上媠的風景毋是古蹟，是人。
這擺，阮毋但欲𤆬你看老厝、聽故事，閣欲𤆬你用臺語踅一條街、一間店、一家伙仔的人生故事。
來聽百齡阿姊講伊的人生，嘛來聽府城巷仔內的秘密。
👣 百齡阿姊欲來𤆬路，咱做伙行一段有聲、有味、有溫度的臺南。
📌 報名連結請看留話區，做伙來臺南𨑨迌、講臺語、聽故事！
| 活動地址 台南市中西區西市場入口（西門路） |
| 活動資訊來源 |