🌟你ê台語路，嘛通成做別人ê起點——台語意識講師培力課程🌟
復振台語，毋但愛有人願意講台語，嘛愛有閣較濟人會當佇無仝ê社群，分享台語ê歷史、現況佮價值，陪伴逐家重新理解家己佮台語ê關係，致使願意開始行動。
一場好ê台語意識講座，
有可能tsiânn做一个人重新熟似台語、開始實踐ê起點！
所致，阮向望分享過去粒積ê經驗，培養濟濟「台語意識講師」：通uì家己ê生命經驗出發，理解台語議題，佮無仝ê聽眾對話。
若是你已經咧行台語路，嘛想欲分享家己ê經驗，招閣較濟人做伙行這條路，歡迎來上這改ê培力課程--ooh!
📣【課程ê目標】
・整理家己ê生命經驗、佮台語ê關係。
・掌握台語意識講座上要緊ê議題。
・按怎共個人ê經驗變做有公共意義ê分享。
・愛實際上台講演，練習組織內容佮表達觀點。
・培養理解無仝聽眾處境ê同理心佮洞察力。
・一步一步發展出屬於家己ê「台語意識講座」。
✳️【課程ê資訊】
所在：台北市客家藝文活動中心-3樓會議室（倚近捷運大安森林公園站）
日子：2026/09/13（日）
時間：早起09:00-12:00
所費：550箍 /人
❇️ 路友優惠 500箍 /人（報名ê時請攢路友編號）
講師：董力玄
・台灣台語路協會理事長
・台語路親子樂團副團長
・親子館/幼稚園台語繪本講師
・意識培力講師
・全民台語認證C1高級
【報名ê資格】
這个課程毋是台語初階課程，學員愛有台語實踐ê經驗（可比講：參加台語共學團、做過台語事工），嘛願意佇上課進前完成功課。
報名ê人愛符合以下條件：
・台語家庭的父母，抑是佇日常生活中有咧使用台語ê人。
・有台語文ê能力佮基本ê台語意識。
・願意整理家己ê經驗，佇課程中上台講演佮交流。
【請注意】
▫️本課程全程以台語進行。
▫️佇上課進前有功課愛完成，若是對課程有興趣，請冗早報名。
▫️報名成功了後就無法度閣退錢。
➡️報名 https://forms.gle/8DXGPbcdAowVFwKAA
| 活動地址 台北市大安區新生南路一段 157 巷 19 號三樓 台北市客家藝文活動中心 |
| 活動資訊來源 |