「向望 • 向夢」 人才招募計畫
來囉來囉！「向望 • 向夢」一年一改的人才招募來矣！
佇遮欲邀請逐家，若是有「美術」、「文編」佮「電腦」相關的專長，毋管你佇佗位，毋管你是國中/高中職/大專的學生，準講你對台語有興趣、有熱情，煞毋知佗位通展跤手，「向望 • 向夢」凡勢就是恁上好的選擇！
歡迎恁做伙來為台語佮臺灣拍拚，替咱所愛的土地，用多元的方式，共咱母語留落來。
服務的過程，恁除了會當趁著一陣台語伴、友善的台語共學環境掠外，閣會使提著阮替恁攢的「志工服務時數」，嘛會當共這段服務的過程，寫佇「學習歷程」的「多元表現」內底喔！真正是有食閣有掠，恁講是毋是咧？阮所想的，決定對恁的未來，有不止仔濟的幫贊！
閣較幼路的工作內容、時間的安排，請看報名表單內底的說明，報名表單嘛有囥佇主頁的紹介連結！
https://forms.gle/dyDvWoHYiQM6avNW8
| 活動資訊來源 |