「拚台語 Piànn Tâi-gí」巡迴展 @ 台中
📣「拚台語 Piànn Tâi-gí」 這擺欲來到臺中審計368新創聚落矣！
五月佇臺北受著足濟朋友歡迎的「拚台語 Piànn Tâi-gí」巡迴展 7/15 欲來到臺中展覽矣！🥳
阮的展覽會聽著七聲八調、無仝所在的聲音，閣會當參加「鬥陣拚台語」比賽、佇現場留你的話，聽、講、讀、寫攏顧會著！
毋但按呢，展覽內閣有台語家庭抾點活動，講座、工作坊、讀冊攏共你攢好勢矣！
📣另外為著欲予逐家看展閣較趣味（tshù-bī），這擺特別安排了「現場導覽活動」，予逐家做伙歡喜行入台語的世界！
猶有禮物會使提，等你𤆬規家伙仔、好朋友做伙來～
活動報名網址佇遮👇
https://www.accupass.com/go/taitiongtiunnuahtang
🌟 展覽重點緊來看覓：
【🗺️ 聽看覓臺灣地方的聲音】
台語聲調懸懸低低，親像咧唱歌。遮的聲音裝置，會當聽著台語的聲調，嘛會當聽著無仝所在的腔口。緊來聽「臺灣的聲音」！
【👾 鬥陣拚台語】
這改展覽特別設計的數位遊戲，無論你是「當咧學行的台語初學者」，抑是純度100％「正港內行的」，做伙來拚台語、提稱號！
【✍️ 互動創作裝置】
現場有提供羅馬字貼紙，邀請你佇展板頂鬥出你的台語語句。閣會當用平板錄音，予你的聲音佇展覽場回響，成做展覽的一部份。
【📖 台語文共讀】
阮有準備上豐富的台語繪本佮冊，上適合阿公阿媽𤆬孫仔、爸爸媽媽陪囡仔講故事，嘛適合一个人提一本佮意的台語冊，做伙佇遮感受母語的溫度。
💰台語家庭大放送！抾點換好禮 💰
✅只要你現場加入「台語家庭計畫」縛定做家庭/社群，抑是你是舊有的家庭/社群，攏會當換特別的小禮物！
✅現場活動抾點：看展覽閣會使參加活動，抾點足簡單！
✅專屬任務：看展覽完成展場DM抾章，回答問題，就有一改抽獎品的機會！
✅推廣獎勵：𤆬親戚朋友鬥陣來註冊，逐家攏有獎～
📍 巡迴展期程（趕緊記起來）：
7/15 ~ 7/23｜臺中場-審計368新創聚落 中興街與民生路轉角建物2F
9/23 ~ 9/27｜高雄場-臺灣國際兒童及青少年嘉年華-未來世代書展
| 活動地址 台中市西區審計368新創聚落 |
| 活動資訊來源 |