【台語棒球嘛會通】系列講座－第六棒「外野防守」
棒球佇台灣毋但是一項運動，猶閣是重要的文化記持。
由用上好聽的台語轉播棒球——黃國洲先生，來教逐家按怎看棒球，予參加的家庭成員，會當迒過戶橂，入來上熱血的台灣棒球世界，對一日球迷慢慢仔變成一世人的球癡，棒球就是有滿滿的力量，有才調面對未來所有的難關。
你敢有發現台灣一陣仔過，就會出現「一日球迷」的現象，職業棒球愈來愈發展，各種出版品、啦啦隊，甚至有bàng-gà、票房強強滾的電影嘛愈來愈時行，到底球迷是咧痟幾點的？
為著予好玄的台灣人了解台灣棒球發展的理路，黃國洲老師佮金牌主持人曾偉旻特別開【台語棒球嘛會通】的課程，用台語捌棒球，閣會了解台灣按怎用棒球連結所有台灣人的心。
課程日期： 7/11（第六場）
課程時間：拜六，透早十點
課程地點：佇現流冊店B1 台北市重慶北路二段70巷15號
這節課咱對「外野防守：空間感佮臨場反應的美學，外野手的經典故事。」落去紹介，透過𠢕人的故事佮藝文作品的介紹，展開閣較深入的探索。
| 活動地址 台北市大同區重慶北路二段70巷15號1樓 現流冊店 |
| 活動資訊來源 |