『劉崧甫鐵窗日記』kah我ê台灣農村經驗～11/18拜二
多謝中研院台史所都留俊太郎助教授答應這个請求～！明仔載tī台師大 #全台語演講！
首先，若是逐家無法度來聽演講，就先邀請逐家來讀這篇報導：
👉#鐵窗裡的神祕筆跡：百年前獄中日記重現二林蔗農事件（上）
https://research.sinica.edu.tw/prison_diary_1/
👉#鐵窗裡的神祕筆跡：百年前獄中日記重現二林蔗農事件（下）
https://research.sinica.edu.tw/prison_diary_2/
👉嘛會當先聽這个「#有故事要說」Podcast主持人涂豐恩訪問都留俊太郎老師。
https://open.spotify.com/episode/3miD6PVAms5Rd1b9JoIOAk?si=D4UXb9o4TfyoPwkwHa-57Q&nd=1&dlsi=dc3c628478b54465
🌻逐家好～！總算是11月天ê快晴。舊年咱ê課堂mā有邀請都留俊太郎老師來分享伊ê台灣農村調查kah王育德ê研究，彼陣都留老師是一半台語一半華語演講。今年，伊kā1920年代彰化ê蔗農組合幹部劉崧甫tī獄中寫ê《鐵窗日記》編輯出版（kah李威寰老師共編），為著解讀日記，逐家組讀冊會，認真稽考歷史文件，真正予咱足佩服。今年，咱仝款邀請都留老師來分享，這擺伊挑戰 #全台語演講❤。
足期待！！！都留老師，一位日本學者，為著研究台灣ê農民運動、做田野調查，伊tī彰化ê二林蹛幾若冬，佮老輩ê台灣人學台灣話 ，kah農民生活、學農業智識，走揣上本土ê台灣。100冬前台灣人ê日記，咱欲按怎解讀？都留老師有真濟趣味ê故事kah踏查經驗，歡迎逐家來kah伊開講交陪喔🥳。
🌻講題：《劉崧甫鐵窗日記》kah我ê台灣農村經驗
🌻講者：都留俊太郎（中研院台史所助研究員）
🌻主持：呂美親（台師大台文系副教授）
🌻時間：2025年11月18日（二）13:20至15:20
🌻地點：台灣師範大學校本部文學院 正403教室
🌻【講者介紹】
都留俊太郎，日本京都大學文化研究科現代文化學專攻博士，捌tī京都大學人文科學研究所附屬現代中國研究中心擔任助理教授，現此時是中研院台史所助研究員。研究主題包括台灣ê農民運動、農業社會史、社會經濟史、世界語運動。共同主編《劉崧甫鐵窗日記》（2025，中研院臺灣史研究所、國立臺灣歷史博物館共同出版。＊蔗農組合幹部劉崧甫在獄中寫的《鐵窗日記》）。
🌻多謝海報小天使海納🌻
| 活動地址 台北市大安區和平東路一段162號 台灣師範大學校本部文學院 |
| 活動資訊來源 |